महोत्तरी - महोत्तरीको मटिहानीबाट प्रहरीले स्रोत नखुलेको ६ लाख नेपाली रुपियाँसहित एक जनालाई प्रहरीले पक्राउ

गरेको छ । मटिहानी नगरपालिका वडा नं. ६ मा जिल्ला प्रहरी कार्यालय महोत्तरी र मटिहानी प्रहरी चौकीका संयुक्त टोली शनिबार चेकजाँच गरिरहेको समयमा भारतबाट नेपालतर्फ आएका जनकपुर उपमहानगरपालिका

वडा नं. १ बस्ने २५ वर्षीय अनिस राईनलाई स्रोत खुलाउन नसकेको रकमसहित पक्राउ गरेको हो । भारतबाट मटिहानी तर्फ प्र.२–०२–००४ प ७१६७ नं. को मोटरसाइकलमा आएका राईनलाई प्रहरीले चेकजाँच गर्दा

छ लाख ६८ हजार पाँच सय रुपियाँ बरामद गरेको जिल्ला प्रहरी कार्यालय महोत्तरीका प्रवक्ता सन्तुलालप्रसाद जैसवारले जानकारी दिनुभयो ।

राईनको साथबाट एक हजारको दरले ५२९ थान र पाँच सयको दरले २७९ थान बरामद गरिएको प्रहरीले जनाएको छ । जिल्ला प्रहरी कार्यालय महोत्तर ीका प्रहरी नायब उपरीक्षक एवम् प्रवक्ता जैसवारले केही समयदेखि प्रहरीले चेकजाँचमा कडाई गरेपछि अवैध मालसामानसमेत पक्राउ बढेको बताउनुभयो । शुक्रबार मात्रै प्रहरीले

महोत्तरी गाउँपालिकाबाट भन्सार छली गरी ल्याएको दुई  लाख दुई हजार चार सय ३० रुपियाँ बराबरको कपडा तथा सम्सी गाउँपालिका वडा नं. २

स्थित आँपको बगैचामा राखिएको दुई लाखभन्दा बढीको किराना सामान बरामद गरेर भन्सार कार्यालयमा बुझाएका थिए ।