मंगलबार महोत्तरी जिल्ला अदालतले घटनाका आरोपी सुजिताका देवर रूपेश ठाकुर र बुवा कामेश्वर पाण्डेलाई पुर्पक्षका लागि थुनामा पठाउन आदेश दिएको छ।

न्यायाधीश मुकेशकुमार उपाध्यायको इजलासले प्रहरीले अनुसन्धानमा सुजिताको शव ओसारपोसार, गाड्नेदेखि लुकाउनेसम्ममा संलग्न दाबी गरिएको चार जनालाई एक-एक लाख धरौटीमा रिहा गरिएको छ।

जनकपुरधाम उपमहानगरपालिका-१४ कुटीपोखरी बसहिया बस्ने ५५ वर्षीय प्रमोद  भनिने विनोद मण्डल, लोहरपट्टी-७ भ्रमरपुरा बस्ने ३७ वर्षीय बण्ठा भन्ने किशोरी मण्डल, ३३ वर्षीय मुल्ला भनिने आदम राइन र ३२ वर्षीय नथुनी मण्डललाई एक-एक लाख धरौटीमा रिहा गरिएको छ।

त्यस्तै, घटना लुकाएको अभियोग लागेकी सुजिताकी नन्द अन्जु ठाकुरलाई १० हजार धरौटीमा रिहा गरिकाे छ। घटनामा संलग्न भनिएका सुजिताका ससुरा पतिराम ठाकुर, सासू र देवरानी अझै फरार छन्।

महोत्तरीका प्रहरी प्रवक्ता डिएसपी प्रकाश विष्टका अनुसार जेठ २० गते बिहानै करिब ८ बजे झै-झगडा हुँदा ससुरा पतिराम, देवर रुपेश लगायतका परिवारका व्यक्तिले घाँटी थिचेर सुजिताको हत्या गरेका थिए । हत्या पछि दिनभरि घरमै उनको शव लुकाएर साँझमा  ट्याक्टरमा लगेर खेतमा गाडेको अनुसन्धानबाट खुलेको थियो।